Vlasnik Sheffield Wednesdaya poručio navijačima: Više ne dam pare

U vlasničkoj fotelji milijarder, tim na posljednjem mhestu tabele Championshipa, a navijači u protestu. To je situacija Sheffield Wednesdaya ovih dana, prenosi N1 Sport.

Od 2015. godine vlasnik Wednesdaya je Dejphon Chansiri, milijarder protiv koga se bune navijači, čiji odlazak traže, a on se oglasio otvorenim pismom istim tim navijačima i priprijetio da ne samo da neće da napusti klub već neće više ni da ulaže novac u njega.

„Od sada više neću ulagati novac u klub. Ako vi kažete da ste vi gazde, a da sam ja privremeni čuvar, onda mi pokažite kako da budem dobar vlasnik i sačuvajte klub. Vi tražite da ja odem, a u isto vreme tražite i da trošim još novca. Ako želite da napustim Sheffield onda mi prije toga pokažite kako da vodim klub i kako da uložim novac. Vi nemate pravo da tražite od mene da odem. Ja sam taj koji je spasio klub, koji je svoj novac trošio na njega, koji mora svakog mjeseca da plati 2.5 miliona eura.

Neki navijači bi morali da imaju više poštovanja prema vlasnicima klubova, a ne da budu sebični razmišljajući samo o svojoj dobrobiti i ne radeći ništa u korist kluba. To je neprihvatljivo. Kao rezutat svega, odlučio sam da više ne ulažem novac u klub dok god navijači ne prestanu nepošteno da me tretiraju.

Protesti ne mogu da pomognu Sheffieldu. To je gubljenje vremena. Volio bih da umjesto toga ti isti navijači pokažu koliko vole klub i da mu ne nanose štetu“, poručio je vlasnik navijačima