Sve žitarice prvenstveno su izvor složenih ugljenih hidrata koji se sporo vare, pa dugo iz njih crpimo energiju (i pritom sadrže vrlo malo masti). Cijele žitarice ujedno predstavljaju i lijek odnosno prevenciju dijabetesa, srčanih i koronarnih bolesti, gojaznosti, bolesti probavnog trakta (zbog bogatstva dijetalnih vlakana).

Osim u salatama i kuvanim jelima ili kao prilog glavnim jelima, žitarice se lijepo mogu uklopiti u zdrave ćufte s povrćem, samo treba da odaberete kako ćete ih spremati. Kod kuvanja žitarica treba da pripazite na nekoliko pravila da bi bile ukusnije jer inače na kraju možete da dobijete bezukusnu kašu koju niko neće željeti da jede.

Ne dodajete so u vodu

Kao kad kuvate tjesteninu pa uvijek solite vodu da bi bila ukusna, isto pravilo vrijedi i kod kuvanja žitarica. U suprotnom ćete dobiti bezokusno jelo. Vodu slobodno posolite čim lonac stavite na vatru jer će ona dodatno izraziti prirodan ukus žitarica.

Držite se pravila

Ne kuvaju se sve žitarice jednako vrijeme niti im je potrebna jednaka količina vode. Neka su zrna krupnija pa im je potrebno više vremena, a druga pak upijaju više vode i "rastu" dok se kuvaju. Zato je pametno da pročitate uputstva na pakovanju i slijedite ih barem prvih nekoliko puta, dok ne steknete iskustvo pa sami odredite vrijeme kuvanja i količinu vode prema iskustvu.

Smanjite vatru

Budući da žitarice šire obim dok se kuvaju i upijaju vodu, nije dobro da voda jako vri jer će prije ispariti. Žitarice će tada ostati na "suvom" ili sirove jer nije bilo dovoljno vode. Čim voda uvri, ubacite žitarice, promiješajte i kuvajte na srednje jakoj vatri.

Tportal.hr