Najveći dijamant ikada pronađen je "Kalinan" (Cullinan) od 3.106,75 karata, pronađen 1905, a drugi je "Ekselcior" (Excelsior) od 995,2, nađen 1893. Oba ta dijamanta nađena su u Južnoj Africi.

Na spisku najvećih dijamanata se nalaze i "Zvijezda iz Sijera Leona" (Star of Sierra Leone) od 980 karata iz 1972. godine i "Neporedivi dijamant" (Incomparable Diamond) od 890 karata iz Konga.
Aukcijska kuća Sotbi planira da ponudi "Lesedi la Rona" na prodaju 29. juna u Londonu.

Dijamant je pronađen u novembru prošle godine u Bocvani, u rudniku kanadske kompanije "Lucara Diamond", a njegovo ime znači "naša svjetlost".

Sotbi je naveo da bi neobrađeni dragulj "izuzetne prozračnosti" mogao da ima do sada najbolji kvalitet obrade dijamanta.

Upravnik juvelirskog odjeljenja aukcijske kuće Sotbi Dejvid Benet nazvao je pronalaženje dijamanta "otkrićem života", a predstojeću aukciju jedinstvenom.

"Ne samo da je nebrušen najvišeg stepena u veličini i kvalitetu, već nijedan sličnog obima do sada nije ponuđen na javnoj aukciji", rekao je Benet.

"Kalinan", najveći do sada dijamant, isiječen je na devet dijelova i svi se nalaze na britanskoj kraljevskoj kruni.

Beta