Dječak P.J. preminuo je 5. februara rano ujutru, nakon što je podlegao teškim povredama koje mu je nanio očuh u prisustvu majke.

Nerminu Šišiću (27) osumnjičenom da je pretukao petnaestomjestečnu bebu, sina svoje nevjenčane supruge Jelene Jovović tužilac Zoran Vučinić odredio je pritvor do 72 časa zbog opasnosti od bjekstva. Pritvor je određen i djetetovoj majci.

Ovaj zločin nad petnaestomjesečnim dječakom uzdrmao je Crnu Goru i region.

Ovo su stihovi nepoznate autorke za malenog anđela:

Za malog Pavla

Nevini dječače sad mirno spavaj,
tamo gdje nema straha i buke, 
i oprosti što ne čusmo tvoj nježni vapaj,
što niko te ne privi na tople ruke.
Ni prvih koraka, ni zubića prvih,
bez prvih riječi i dodira milih,
težak je ovaj svijet za tebe bio, 
biće ti bolje gdje god sada snio.

Lako je sada pjesme pisati,
tražiti tvoj zakon i suze brisati,
a kad smo ti trebali, gdje smo svi bili?
Nisu samo oni, SVI SMO MI KRIVI!

Idi spokojno dječače mali, ne okreći se i ne gledaj dolje,
nije ovaj svijet bio za tebe, al' nama je dobar, JER NISMO ZA BOLJE!