Mantel je jedina autorka koja je iste godine za svoj roman “Bring Up the Bodies ” nagrađena Bukerom i Kostom.
Ovogodišnja predsjednica žirija Miranda Ričardson opisala je listu kao nevjerovatno snažnu, uzbudljivu i raznoliku.
“Vrlo brzo smo sastavili listu. Priče koje su u konkurenciji vrlo su dopadljive i nije postojao spor oko njihovog kvaliteta. Bilo je razgovora oko toga da Hilari Mantel ne bi trebalo da bude u konkurenciji jer je već osvojila važne nagrade, ali “Bring up the Bodies ” je divna knjiga i zaslužuje mjesto na listi, jednostavno je bilo nemoguće ignorisati takvo djelo. Postoji predrasuda, raširena u Engleskoj, da se na uspjeh gleda s nipodaštavanjem. Nagrađivane pisce često gledaju s prezirom, kao na nekoga ko nije zaslužio pohvale”, objašnjava Ričardson.
Zajdi Smit, koja je već dobila nagradu Orindž 2006, nominovana je za roman “NW ” i mogla bi da postane prva spisateljica koja je dva puta primila tu nagradu, kao i Amerikanka Barbara Kingsolver, koja je bila pobjednica 2010, a sad je nominovana za roman “Flight Behaviour”.
Nagrada za najbolju žensku beletristiku osnovana je 1992. kao reakcija na mačističku politiku nagrade Buker, a ime Orindž nosi od dodjele 1996, kad je nagrađena Helen Dunmore.
Ovogodišnja pobjednica biće proglašena petog juna.
(Izvor:Vijesti)
