Kerber, 10. teniserka svijeta, pobijedila je poslije 67 minuta. Ona je četiri puta oduzela servis Ostapneko, koja je napravila jedan brejk.

Njemačka teniserka je lako osvojila prvi set, u drugom je vodila sa 5:1 i imala je meč loptu i kada se činilo da će poslije gema na svoj servis pobijediti, Ostapenko je napravila brejk. Letonka je zatim osvojila i gem na svoj servis i primakla se na 3:5, prenosi Beta.

Kerber je poslije toga zadržala svoj servis i poslije druge meč lopte plasirala se u finale.

Njemica se plasirala u svoje četvrto Grand slem finale, a drugo na Vimbldonu, poslije 2016.

Ostapenko prije finala nije izgubila set na Vimbldonu.

Kerber će u finalu igrati protiv pobjednice duela sunarodnice Julije Gerges i sedmostruke šampionke Amerikanke Serene Vilijams.