Ona je nakon napuštanja djece otišla na Kosovo, gdje se, kako se pretpostavlja, i sada nalazi.

Djeca su preplašena i uplakana pronađena na ulici ispred poslastičarnice oko 14 časova, odakle su ih preuzeli službenici policije i Centra za socijalni rad. S obzirom na to da su djeca od različitih očeva, njih je policija pozvala i obavijestila ih o situaciji, nakon čega su preuzeli mališane i poveli ih kući.

Ove informacije potvrdila je Danu i direktorica Centra za socijalni rad Plav Branka Đukić.

“Tačno je da se događaj desio i da je jedna majka ostavila dvoje djece. Mi smo ih odmah nakon saznanja zbrinuli sa policijom, te obavijestili očeve. Djeca su sada kod njih, ali više informacija možemo poslati samo zvaničnim putem”, kazala je Đukić za Dan.

Očevi djece, čiji je identitet poznat redakciji Dana, potvrdili su priču i rekli da su djeca sada kod njih i da traže puno starateljstvo nad mališanima jer smatraju da je majka počinila krivično djelo zanemarivanje djeteta.

Prema riječima I.P., koji je otac djevojčice od devet godina, mališani su u poslastičarnici ostavljeni oko 10 sati ujutro, a tek četiri sata kasnije ih je pronašla policija uplakane i preplašene. On kaže da je njegova kćerka u jako lošem stanju, te da traži od nadležnih organa da on ubuduće bude jedini staratelj.

Otac mališana od tri godine F.R. navodi da je zahvalan ljudima iz policije što su ga brzo obavijestili nakon pronalaska djeteta. On navodi da je od policije tražio potvrdu da je preuzeo dijete, ali mu je nisu dali.  I on je kazao da se obratio sudu da bude staratelj djetetu jer ne želi da se ovo ponovi.