Manifestacija započinje trkom konja u vinogradu sa početkom u 10 sati, a ulaz za ovu nesvakidašnju trku je na kapiji vinograda kod “Dekar”  pumpe.

Uz bogat muzički program, kuvari restorana “13.JUL” i “JEZERO” će pripremiti izuzetnu gastronomsku ponudu, najavljuju iz kompanije.

Na brojnim gastro i vinskim stanicama, gosti će imati priliku da uživaju u nacionalnim, jezerskim i specijalitetima sa ćumura, kao i u degustaciji novih Premium vina Plantaža. Osim toga, za ovaj dan pripremljena je i premijerna degustacija  extra-djevičanskog maslinovog ulja Plantaža.Za sve posjetioce koji žele da dodatno prošire svoje znanje o vještimana degustacije Plantaže su pripremile 3 radionice i to gratis radionica  o senzoričkom ocjenjivanju vina, dok će se radionica o porijeklu Vranca i vertikalna degustacija Vranca, naplaćivati po simboličnoj cijeni od 8€ -  navodi se u najavi događaja.

Za istinske ljubitelje vina tu je i Master Class na kojem će se degustirati ograničene serije ultra premium etiketa Stari Podrum, po cijeni od 15€

Manifestacija “Dan otvorenog podruma” nastavlja se u restoranu „13.Jul“,  uz “Gastro veče” i promotivne cijene menija (riblji/mesni). Druženje uz živu muziku i čašu premium vina Plantaža, počinje od 20 časova.