Do sada nije bilo kontakata s dječakom Hulenom Roseljom, koji je upao u bunar dubok 110 metara sjeveroistočno od Malage, prenio je AP.

Spasilački timovi pokušavaju da dođu do njega kopanjem paralalne bušotine, da bi potom prokopali horizontalni tunel do mjesta gdje vjeruju da se nalazi Hulen Roseljo.

Procjene su da će im kada se spuste trebati do 24 sata da prokopaju tunel od četiri metra do mjesta gdje misle da je dječak, prenosi agencija.

Hulen je viđen kako upada u bunar dok je s porodicom šetao privatnim imanjem u Totalanu, kod Malage, na jugu Španije.

Među krhotinama koje su spasioci ranije izvukli iz bunara pronađena je kosa, a DNK analizom potvrđeno je da pripada dječaku.

Do sada, međutim, nisu registrovani znaci života.

Tanjug/AP