Kišna sezona je povećala nivoe vode i mali mostovi od bambusa više nijesu korisni. Raftovi koji se inače koriste za prelaženje rijeke nijesu korisni jer ih brza struja može potopiti.

Jedina opcija koja je dostupna seljanima jeste da preplivaju rijeku. Iako na ovaj način rizikuju živote, predani očevi svakodnevno prebacuju djecu s jedne na drugu stranu kako bi oni na vrijeme stigli u školu.

Skidaju se u šorceve, djeca ulaze u plastične kese koje njihovi očevi zatim zatvaraju kako voda ne bi ušla unutra, pa se bore sa opasnim strujama.

Još je šokantnije što djeca nakon ovoga pred sobom imaju još pet sati putovanja do školskih klupa. Ovo je njihova svakodnevica. Neka djeca ostaju u školama tokom cijele sedmice, a kući se vraćaju vikendom, prenosi Klix.ba.