“Požar je već uzeo maha tako da osim prostora koji je prije nekoliko godina potpuno sagorio, gore i stogodišnja stabla rijetke vrste bora. Kao i prije nekoliko godina, požar je izazvan nesavjesnim ponašanjem mještana koji su lijepe dane iskoristili da ‘očiste’ imanja. Ovaj način ‘čišćenja’ Župi je donio hiljade hektara uništene šume. Egoističan odnos pojedinaca doveo je do toga da se misli samo na svoje, ali i ne i na prirodu kao osnovu života“, naveli su iz NVO “Župa u srcu”.

Iz te NVO su kazali da su požari prije nekoliko godina na tom području ubrzali eroziju zemljišta i glavnog puta, te da je povećana koncentracija kancerogenih čestica u vazduhu, a posebno negativno utiče na zdravlje osoba sa disajnim problemima.