Rama je to izjavio za Televiziju "Frans 24", za koju je komentarisao i inicijativu "Otvoreni Balkan".

Kako je naveo, ta inicijativa trebalo bi da olakša kretanje robe između Albanije, Sjeverne Makedonije i Srbije i da ukloni granice od 2023. godine.

Prema Raminim riječima, Otvoreni Balkan ne nameće ograničenja i otvoren je za sve, sa ciljem poboljšanja života građana.

"Prvo, u inicijativi Otvoreni Balkan vrata su otvorena za sve balkanske zemlje bez preduslova. Želimo da uradimo nešto važno za ljude, za region. Da li je to težak proces? Da, veoma je teško. Nije lako, jer je to istovremeno i mirovni proces. Još nemamo konačan mir na Balkanu, jer postoje problemi koje treba riješiti, posebno između Srbije i Kosova, koje je nezavisna, suverena država i Srbija treba da ga prizna. Ali u isto vrijeme, postoje pouke koje se mogu naučiti iz istorije. Ono što je Francuska uradila sa Njemačkom poslije Drugog svjetskog rata je put“, rekao je Rama.