"Nismo mogli ništa da uradimo. Kasno nam je javljeno, izgleda tek kada je plamen zahvatio vikendicu, koja je bila od drveta. Primili smo poziv u 14 i 15 časova, a kada smo došli mogli smo samo da spriječimo dalje širenje požara i stavimo ga pod kontrolu", kazao je za Pv Portal komandir Službe zaštite i spašavanja Goran Čavić.

Danas je svo raspoloživo ljudstvo i mehanizacija bila na terenu.

Požar se proširio na obližnju šumu tako da će vatrogasci dugo dežurati kako bi spriječili širenje vatre prema kućama.

Čavić je apelovao da se ne pali vatra na otvorenom.

Prošlogodišnji požar u Matarugama izgleda nikome nije poslužio za nauk. Čak je prošle godine u blizini Pljevalja izgubljen i ljudski život, srećom ove, makar za sada nije. Prošle godine policija je procesuirala jednu osobu iz Mataruga zbog izazivanja požara, ali to je malo. Za svako paljenje vatre na otvorenom treba pronaći krivca i kazniti maksimalnom kaznom, jer samo tako ovaj problem može da se riješi,piše Pv Portal.