Kao što se može vidjeti po fotografiji objavljenoj na društvenim mrežama, interesovanje građana i turista je više nego veliko, pa su se stvorile velike kolone automobila na naplatnoj rampi.

Dan podsjec-ća, da prvih sedam dana putarina neće biti naplaćivana, a nakon toga će se za motore iznositi 1,5 eura, za putnička vozila 3,5 eura, a za kamione i autobuse 17 eura. 

Ukupna dužina prve dionice autoputa je 41,5 kilometara, sa 20 mostova na glavnoj trasi, devet mostova na rampama petlji, dva nadvožnjaka, osam podvožnjaka, 7,2 kilometra betonskih zidova, 16 dvocijevnih tunela.

Dionica ima četiri petlje, sa naplatnim rampama, na kojim se ostvaruje veza auto-puta sa postojećim stanjem, a to su – Smokovac, Pelev Brijeg, Veruša i Mateševo.

Maksimalna brzina kretanja ograničena je na 100 kilometara na sat.

Na lokalitetu Gornje Mrke, na prioritetnoj dionici autoputa Podgorica-Mateševo, predviđena je izgradnja jedne dvostrane benzinske pumpe.

Planirano je i odmorište na Pelevom Brijegu.

Izvor: Dan