Pritvor mu je određen rješenjem sudije za istragu Osnovnog suda u Kolašinu.

Supruga J.M., koja je u ovom slučaju bila žrtva nasilja, pred tužiocem je ispričala da ju je suprug pijan probudio iz sna, a onda iz čista mira počeo da je udara svuda po tijelu.

Ispričala je da je pokušala da se odbrani, a kada je u sobu ušao njen svekar i da pobjegne. Krenula je ka policiji, ali ju je okrivljeni sustigao, počeo da je vuče da se vrati kući i pokušavao je da je nosi, što su primijetili ljudi na ulici.

U vrijeme izvršenja djela koje mu se stavlja na teret okrivljeni se nalazio u stanju pijanstva sa oko 1,94 promila alkohola u krvi.

“Pritvor, svojim trajanjem, tako i svojom težinom, nužna je odluka srazmjerna težini krivičnog djela za koje je okrivljeni osnovano sumnjiv“, piše u rješenju Apelacionog suda.