"U Zakonu o akcizama ("Službeni list RCG", br. 65/01 i 76/05 i "Službeni list CG", br. 76/08, 50/09, 78/10, 61/11, 28/12, 38/13, 45/14, 1/17, 50/17, 55/18, 76/20, 49/22, 65/22, 152/22 i 27/23) u članu 1 stav 2 tačka 4 mijenja se i glasi: gazirana i negazirana voda sa dodatkom šećera ili drugih sredstava za zaslađivanje ili aromatizaciju i bezalkoholno pivo", navode iz Vlade. 

Kako su istakli, u članu 49a stav 4 riječi: “u iznosu od 0,70 eura“ zamjenjuju se riječima:“ u iznosu od 0,20 eura“.

Član 3 Član 56c mijenja se i glasi: “Gazirana i negazirana voda sa dodatkom šećera ili drugih sredstava za zaslađivanje ili aromatizaciju i bezalkoholno pivo.

Član 56c Gazirana i negazirana voda sa dodatkom šećera ili drugih sredstava za zaslađivanje ili aromatizaciju i bezalkoholno pivo su proizvodi iz tarifnih oznaka CN 2202 10 00 i CN 2202 91 00.“

Član 4 Član 56d mijenja se i glasi: „(1) Akcizna osnovica za gaziranu i negaziranu vodu sa dodatkom šećera ili drugih sredstava za zaslađivanje ili aromatizaciju i bezalkoholno pivo je količina akciznih proizvoda izražena u hektolitrima.

U predlogu se navodi da akciza na proizvode iz stava 1 ovog člana iznosi 35,00 eura za gaziranu vodu sa dodatkom šećera ili drugih sredstava za zaslađivanje ili aromatizaciju, a 25,00 eura za negaziranu vodu sa dodatkom šećera ili drugih sredstava za zaslađivanje ili aromatizaciju i bezalkoholno pivo.

Odredba člana 49a stav 4 ovog zakona primjenjivaće se od 1. januara 2024. godine.

Ovaj zakon stupa na snagu osmog dana od dana objavljivanja u „Službenom listu Crne Gore“.