Jagode se po kilogramu uglavnom prodaju šest i sedam. Grožđe je i dalje na cijeni pa se kilogram prodaje od šest do deset eura, dok su kruške cijenjene četiri eura. Ni cijena borovnica nije se mijenjala ove sedmice, te tako kupija od 125 grama košta pet eura. Za kilogram jabuka potrebno je izdvojiti od 1,30 do 1,80 eura, dok su pomorandže 1,50 eura. Za 1,50 eura može se kupiti i kilogram klementina, a banane se prodaju od 60 centi do 1,50 eura. Kilogram nara košta 3,50 eura, a limun je 1,50 eura.

Krompir i dalje drži cijenu pa za kilogram treba izdvojiti 1,30 eura. Krastavac košta dva eura, a kilogram šargarepe je 1,50 eura. Prodavci za 1,50 eura nude i kilogram cvekle, kao i crni luk. Kupus košta od 0,80 do euro, a paprike su cijenjene od tri do 3,50 eura. Za kilogram spanaća potrebno je izdvojiti 3,50 eura, dok se blitva može naći i za euro, a raštan za dva eura. Salata je tri, a pori luk dva eura. Tikvice se mogu kupiti po cijeni od 2,50 do tri eura, prenosi Dan.