Broj ilegalnih migranata u BiH porastao 70 odsto

Broj migranata koji su ilegalno ušli u BiH u prva dva mjeseca ove godine veći je skoro 70 odsto u odnosu na isti period prošle godine, upozorio je direktor Granične policije BiH Mirko Kuprešaković i najavio zajedničke aktivnosti sa Srbijom kako bi se spriječilo krijumčarenje ljudi, prenosi Hina.

01. 05. 2024 - 12:11

Autor:
J.M.

Kuprešaković se sastao s pomoćnikom direktora za specijalne operacije MUP-a Srbije Dejanom Lukovićem s kojim je razgovarao kako ojačati saradnju izmeđe dvije države.

Prema podacima dvije policijske agencije, krijumčari pokušavaju u vozilima i čamcima preko rijeke Drine nezakonito ući u BiH.

Povećan broj prelazaka

„Samo u prva dva mjeseca 2024. godine Granična policija BiH je u nezakonitom prelasku ili pokušaju nezakonitog prelaska državne granice zabilježila povećanje od gotovo 70 odsto u odnosu na prva dva mjeseca prošle godine“, rekao je Kuprešaković.

Ranije je objavljeno kako je u prva dva mjeseca ove godine otkriveno 3.550 ilegalnih migranata na teritoriji BiH.

Direktor Granične policije očekuje dodatno pojačanje migracijskog pritiska u nastavku godine.

Policijske agencije zadužene za sigurnost granice BiH i Srbije najavile su jačanje zajedničkih ophodnji, podizanje saradnje na viši nivo te su dogovoreni koraci s ciljem razbijanja lanca ilegalnog prebacivanja migranata koji se pokušavaju dokopati Hrvatske i drugih zemalja Evropske unije.

Izvor:POBJEDA

Komentari

Komentara: (0)

Novi komentar

Komentari objavljeni na portalu Kodex.me ne odražavaju stav uredništva, kao ni korisnika portala. Stavovi objavljeni u tekstovima pojedinih autora takođe nisu nužno ni stavovi redakcije, tako da ne snosimo odgovornost za štetu nastalu drugom korisniku ili trećoj osobi zbog kršenja ovih Uslova i pravila komentarisanja.

Zabranjeni su: govor mržnje, uvrede na nacionalnoj, rasnoj ili polnoj osnovi i psovke, direktne prijetnje drugim korisnicima, autorima čanka i/ili članovima redakcije, postavljanje sadržaja i linkova pornografskog, uvredljivog sadržaja, oglašavanje i postavljanje linkova čija svrha nije davanje dodatanih informacija vezanih za članak.

Takvi komentari će biti izbrisani čim budu primijećeni.