Svoboda je za Večernje novosti rekao da se ranije nadao da će cio Balkan biti u EU prilikom obilježavanja stote godišnjice završetka Prvog svjetskog rata.
"Dobro bi bilo da konkretni pregovori sa Srbijom započnu što prije. Iskreno, ne mislim da je moguće da se završe već 2018. Pregovori danas duže traju, a ostalo je i još mnogo otvorenih pitanja. Ali, veoma se radujemo što su razgovori izmedju Beograda i Prištine napredovali i ako pomjerimo rok s 2018. na 2020, to bi bilo moguće", rekao je Svoboda.
Svoboda je ocijenio da nova Vlada Srbije akcenat treba da stavi na borbu protiv korupcije, stvaranje terena za nove investicije i unapredjenje odnosa sa svim susjedima, uključujući kosovsko pitanje.
