Azar je protekle sezone bio ključni igrača Čelsija, a otkako je stigao na Stamford Bridž dao je 30 golova i imao 34 asistencije.
Da nemaju namjeru da se odreknu Belgijanca, "plavci" su dokazali odlukom da mu u sljedećoj sezoni daju dres sa brojem 10, što je Azara oduševilo.
"Broj deset je moj najdraži broj i presrećan sam što ću ga nositi u Čelsiju. Taj broj nosim i u reprezentaciji Belgije. Zinedin Zidan je bio igrač kojem sam se kao dječak divio, heroj moga detinjstva. I on je nosio broj deset. Nadam se da će mi novi broj donijeti mnogo sreće u narednom period", rekao je Azar, prenosi Portal Analitika.
