Arsenal je imao terensku inicijativu u prvom poluvremenu, ali kako je vrijeme odmicalo Monako se oslobađao pritiska i počeo da prijeti.

Osam minuta prije kraja prvog poluvremena dogodio se momenat odluke. Mutinjo je sjajno centrirao iz slobodnjaka, a Falkao odlično skočio i sa sedam, osam metara savladao nemoćnog Ščesnog, bio je to povratak na teren u velikom stilu.

Sve do osamdesetog minuta nije bilo uzbuđenja na Emirejtsu, a onda je Akpom izašao jedan na jedan sa golmanom Subašićem. Obišao je golmana koji ga je oborio pola metra unutar šesnaesterca, ali je sudija Etkinson na iznenađenje svih dosudio slobodan udarac.

Zanimljivo je da je Etkinson prvo pokazao na bijelu tačku, ali je zatim njegov pomoćnik intervenisao i dosudio slobodan udarac.

Do kraja meča nije bilo više prilika, tako da je ostalo 0:1 u korist ''Kneževa''.