Za tijesto:

125 g šećera
4 jaja
80 g brašna
1 kašičica praška za pecivo
40 g gustina
šećer za posipanje

Za fil:

150 g malina
3 lista bijelog želatina
70 g šećera
400 ml slatke pavlake
šećer u prahu za posipanje

Priprema:

Bjelanca umutite sa četiri kašike hladne vode, postepeno dodajte šećer, jedno po jedno žumance i dobro sjedinite. Brašno pomiješajte sa praškom za pecivo i gustinom, pa varjačom umiješajte u smjesu sa jajima.

Tijesto sipajte u pleh obložen papirom za pečenje i pecite u rerni na 200 stepeni 10-12 minuta. Pečenu koru izvadite iz pleha, položite na kuhinjsku krpu posutu šećerom, urolajte i ostavite da se ohladi.

Za to vrijeme listove želatina otopite u hladnoj vodi i umutite šlag od slatke pavlake i šećera. U malu šerpu stavite ocijeđen želatin, dodajte tri kašike šlaga, promiješajte i kratko otopite na umjerenoj temperaturi, a zatim pomiješajte sa ostatkom šlaga.

Razvijte rolat, nafilujte šlagom, rasporedite maline, ponovo urolajte i ostavite da se hladi u frižideru najmanje tri sata. Prije serviranja pospite šećerom u prahu i ukrasite malinama.

(vijesti.me)