Potrebno je:

300 g mljevenog kikirikija
300 g mljevenog keksa
200-250 g maslaca
250 g šećera u prahu
kesica vanilin šećera
2 jajeta
200 g sjeckanog ili drobljenog kikirikija 

Čokoladni preliv:

2 šoljice mlijeka
5 kašika šećera
3 kašike kakaa (može i čokolada u prahu)
100 g čokolade za kuvanje
kašika margarina   

Priprema: 

Mljeveni keks i mljeveni kikiriki dobro pomiješajte. Maslac i šećer u prahu dobro umutite u jednoličnu smjesu pa dodajte vanilin šećer i jaja. Dobro umutite da dobijete krem. S kremom i mješavinom od keksa i kikirikija zamijesite fino tijesto. Oblikujte duguljastu tortu ili je stavite u četvrtasti pleh koji ste podmazali ili prekrili pek-papirom i poravnajte. Na površini torte poređajte drobljen kikiriki i pritisnite kako bi se zalijepio za tijesto. Na kraju stavite čokoladni preliv.

Za preliv u šerpu stavite mlijeko, šećer ,kakao i margarin, pa rastopite na tihoj vatri. Sklonite s vatre i dodajte čokoladu izlomljenu na kockice. Kad se čokolada istopi i krem postane jednoličan, prelijte tortu. Poslije jednog sata ili sat i po ponovo prelijte tortu tako što ćete pokupiti preliv koji je iscurio sa strane. Ostavite tortu da se stegne preko noći ili nekoliko sati u frižideru. 

(Kolektiv.me)