Potrebno:

130 ml vode

40 g maslaca

malo soli

90 g oštrog brašna tip 400

1 puding od vanile

250 ml mlijeka

200 g šlaga

100 ml slatke pavlake

100 g čokolade za kuvanje

Priprema:

Za krem: Prašak za puding pomiješajte sa šećerom i malo hladnog mlijeka. Ostatak mlijeka skuvajte i sklonite s ringle. U mlijeko dodajte razmućen prašak za puding i miješajući kuvajte 1-2 minuta, pa puding ohladite. U ohlađen puding umiješajte čvrsto umućen šlag.

Za tijesto: U manju posudu stavite vodu, maslac i so pa ostavite da provri. Dodajte brašno i smjesu kuvajte dok ne dobijete gustu grudvu. Malo je ohladite, a zatim umiješajte jedno po jedno jaje. Smjesu miješajte mikserom dok ne postane glatka.

Kuvano tijesto stavite u poslastičarski špric, a zatim na uljem namazan pleh istiskujte gomilice veličine oraha. Pecite 20 minuta u rerni zagrijanoj na 190°C. Pečene profiterole ohladite.

U poslastičarski špric s nastavkom za punjenje stavite pripremljen krem od vanile. Svaku profiterolu ubodite nastavkom i utisnite malo krema. Napunjene profiterole stavite na tanjir za posluživanje.

Za preliv: Slatku pavlaku zagrijte, umiješajte izlomljenu čokoladu, izmiješajte u jednoličnu smjesu i ohladite.

Ovim prelivom prelijte profiterole.

(CdM)