Osim što možete da promijeniti navike i malo pripazite na to kako tretirate kosu, napominjemo da ispucale vrhove možete da “izliječite” jedino šišanjem! 

Korišćenje pegle na nezaštićenoj kosi 

Prije nego što vrelu peglu stavite na mokru kosu, obavezno na nju nanesite sprej koji kosu štiti od uticaja toplote. Ovakav sprej je brzo rješenje, a kosu će štititi bilo da je mokra ili suva. 

Zaštite kosu od sunca 

Kako su kosa i koža građene od istih proteina, šta god možete da učinite za zaštitu kože od sunca, učinite i za kosu. Proizvodi za zaštitu od sunca će spriječiti sušenje kose, a samim tim i smanjiti količinu ispucalih vrhova. 

Čvrsti repovi i pletenice 

Ovakav načini sređivanja kose lomi vlasi, pogotovo ako ih vežete čvrsto. Ako kosu pletete dok je mokra, ona prije puca, jer je u vlažnom stanju osjetljivija. 

Preskačete regenerator 

Regenerator djeluje kao zaštitni sloj kose i tako sprječava njeno pucanje. On je takođe štiti od štetnog uticaja UV zraka, a dovoljno je nanijeti ga od sredine glave do vrhova i ostaviti da djeluje oko 10 minuta prije ispiranja. Regenerator nikada ne nanosite na tjeme jer će se kosa brže mastiti. 

Umetci za kosu 

Umetci za kosu na nju djeluju slično kao rep ili pletenice – kosa vremenom postaje suva i ispucala. Razlika kod ekstenzija je ta da oštećuje kosu bliže korijenu, pa je ispucali dio teže odstraniti. Svaki nelagodni osjećaj na vlasištu može ukazivati na to da ste preopteretili kosu.

(Super Žena)