500 g pilećih prsa,

200 g lisnatog tijesta,

250 g bukovača,

170 g kisjele pavlake,

2 dcl kokošijeg temeljca,

peršun, ulje, kim, biber, so

Priprema:

Lisnato tijesto nemojte razvaljati, samo ga odmrznite onako kako je bilo u pakovanju Izdvojte iz bloka dio tijesta tako da dobijete neku vrstu korpe. Tijesto pustite da odmara sve do polovine pripreme piletine i sosa. Tada ga stavite u rernu na 200 C.

Pileća prsa očistite od masnoće i narežite na kockice. Začinite ih s 2 kašičice začina, solju, biberom i kimom i sa 2 kašike ulja.

Na vruć ali ne  ljepljiv tiganj stavite piletinu i pustite je da se zapeče sa svih strana i da izgubi sirovu boju mesa. Kada je piletina gotova odložite je sa strane u zdjelu a na tiganj stavite bukovače narezane na krupnije komade. Pobiberite i posolite bukovače te ih pustite da puste malo tečnosti u kojoj  treba da se dinstaju.

Pred kraj dinstanja dodajte u gljive 2 dcl kokošjeg temeljca, ili ako nemate temeljca 2 dcl vode pomiješane s kokošjom kockom za supu. Dodajte i 170 g kisjele pavlake i sve zajedno zakuvajte i pustite da provri.

Kada se umak redukuje skoro za polovinu dodajte piletinu i sitno sjeckani svježi peršun. Pustite da i dalje sve zajedno kuva uz povremeno miješanje i kroz 5 minuta piletina s gljivama i pavlakom bi trebalo da bude gotova.

Pečenu i toplu lisnatu košaricu napunite piletinom, gljivama i sosom te poslužite odmah.

(Vijesti.me)