Da li ste znali da se u većini ruževa nalazi i malo metala, koji se ovim putem unosi u organizam? U gotovo svakom karminu pronađeno je najmanje osam vrsta metala, od kojih su najopasniji za zdravlje kadmijum i aluminijum, pokazuje jedno američko istraživanje.

Najveći procenat je u svjetlucavim i ruževima jarkih boja, gdje sitne metalne čestice daju završni izgled teksturi. Najopasnija boja je jarko ružičasta, zatim tamnobraon, dok su najmanje štetne nježnije, neutralne nijanse.

Budući da je mnogim damama karmin često i jedina šminka, a nanose ga na usne tokom čitavog dana, nekad i po 20 puta, naučnici savjetuju sljedeće: ograničite mazanje na važne prilike, a ukoliko želite samo da istaknete usne, stavite sjaj ili balzam u boji, prenose Novosti.