U tuči su koristili lance, bejzbol palice i boksere, a do sukoba je došlo u četvrtak nakon utakmice Lige šampiona između Olimpijakosa i Dinama igrane u srijedu uveče.

Pristalice Dinama u Atinu su stigle bez obzira na dogovor dva kluba da zbog visokog rizika ne prodaju karte gostujućim navijačima. S druge strane, navijači iz Beograda stigli su da podrže Olimpijakos koji smatraju bratskim klubom sa Crvenom zvezdom. Većina njih nisu imali klupska obilježja, nego su bili obučeni u crno i nosili su kapuljače.

Grčka policija je tokom prethodna dva dana zahvaljujući racijama i hapšenjima spriječila sukobe navijačkih grupa iz Zagreba i ujedinjene grupe iz Beograda i Atine.

Inače, utakmica između Olimpijakosa i Dinama u četvrtom kolu u grupe “F” završila je rezultatom 2:1 u korist domaćina.