Prezervativi su neizbježan uslov svakog sigurnog seksa, a oni bi u budućnosti mogli biti napravljeni od kravlje tetive ili čak riblje kože, izvijestili su stručnjaci iz fondacije Bill & Melinda Gates.
Oni su organizovali konkurs za stvaranje kondoma "kojeg će muškarci željeti da koriste" i među 812 prijava nagradili su 11 najboljih ideja sa 100.000 dolara, piše New York Times.
Cilj ovog takmičenja je smanjenje broja neželjenih trudnoća i polno prenosivih bolesti sa zaštitom koja ne smanjuje, već pojačava užitak. Najveći broj ideja odnosio se na sam materijal od kojeg je napravljen prezervativ, a s ciljem stvaranja tanjih, sigurnijih i manje "ograničavajućih" kondoma za veći osjećaj u penisu.
Druge ideje odnosile su se na lakše stavljanje prezervativa i stvaranje "pametnih kondoma" koji se prilagođavaju veličini pojedinog penisa, saopštio je dr. Papa Dalif Snou iz fondacije. Neke od nagrađenih ideja:
- Izrada kondoma od grafena - čvrstog i rastegljivog materijala koji će se kombinovati s lateksom
- Kondomi s "oblikovnom" memorijom za stvaranje instant kalupa prema udu
- Ultrasenzibilni kondom s kolagenom iz riblje kože i junećih tetiva
- Kondom za "zavijanje" od polietilenske plastike koji prianja uz kožu, ali ne pritiska tkivo penisa
- Dodavanje antibakterijskih i antivirusnih nanočestica u kondom,
(Izvor:ALO.rs)
