Identična stvar je i kada je riječ o pićima. Što se tiče čaja, jednog od najpopularnijih napitaka na svijetu, sljedeće vrste se preporučuju za određene krvne grupe.
Krvna grupa 0
Kada je riječ o ishrani, osobe koje imaju ovu krvnu grupu trebalo bi da konzumiraju meso, a izbjegavaju mlijeko i gluten. Iako se dobro nose sa stresom, često ih muči stomačna kisjelina. Čajevi koji se preporučuju ovoj krvnoj grupi zasnovani su na đumbiru, ginsengu i zelenom čaju. Čaj od nane kao da je stvoren za njih.
Krvna grupa A
Veoma emotivne i analitične, osobe koje imaju ovu krvnu grupu pod stalnom su prijetnjom od stresa usljed povećanog nivoa hormona kortizola. Kafa im ne škodi, a preporučljivo je da što više konzumiraju voće i povrće, meditiraju, upražnjavaju jogu. Kada je riječ o čaju, osobama sa ovom krvnom grupom najbolje odgovaraju čaj od jasmina i njegova kombinacija sa zelenim čajem, kao i mješavina nevena i majčine dušice. Kamilica je još jedan čaj koji im odgovara.
Krvna grupa B
Osobe krvne grupe B imaju spor metabolizam pa su sklone autoimunim oboljenjima, gojaznosti, letargiji, hroničnom umoru i nesanici. Imaju otporan probavni sistem, ali i slabu odbranu od bakterija, posebno od E. coli bakterije. Preporučljivo je da piju zeleni čaj, čaj zelenog ili crvenog roibisa, kao i mješavinu čajeva zove, roibosa, žalfije i matičnjaka. Takođe, prijaju im i čajevi od hibiskusa i šipka.
Krvna grupa AB
Osobe sa ovom krvnom grupom imaju jaku intuiciju, nijesu sklone stresu, ali imaju i smanjen libido. Za njih je idealan izbor mješavina zelenog i čaja od nane. Za muškarce sa ovom krvnom grupom posebno se preporučuje mješavina čajeva od nane, roibosa i koprive. Isto tako, osobama sa krvnom grupom AB prija i čaj od brusnice.
